Ég brenni nan í mér

Píp

2009-08-28T13:53:00.002Z

Yndislegt. Ég eyddi góðum hálftíma í dag í að reyta af mér brandarana í návist stráks sem er afskaplega sætur. Svo kem ég heim, lít í spegil og sé að ég er með augnblýant niður á hné, hár eins og reytt hæna og sósublett á úlpunni minni. Frábært að þrátt fyrir að fyrsta partý listaháskólans sé ekki fyrr en í kvöld, sé ég nú þegar búin að mastera að líta út eins og mesti haugurinn á svæðinu. Ætli næsta skref sé ekki að festa klósettpappír undir skónum mínum í kvöld, gyrða kjólinn ofan í nærbuxurnar, æla á barborðið á Jacobsen (klukkan ellefu) og fara á trúnó við allar fyrsta árs stelpurnar sem nenna að hlusta á mig lengur en fjórtán sekúndur. Mér hefur alltaf fundist heillandi að vera svona "afgerandi karakter", og það að vera á nokkurn hátt svöl virðist ekki ætla að liggja fyrir mér.

Takk fyrir að koma mér aftur niður á jörðina, alheimur. Virkilega. Takk.

Uppáhalds mitt...

2009-02-07T18:09:00.001Z

...er rottan, og svo jungfrúin. En það gat maður nú svosum sagt sér sjálfur

Óma vorhljóð óma þú útum grundir víða
mér um þjó og þarma nú þýðir hljómar líða
í Hvíta húsinu - hvar er hann Jón
Kennedí? Æ ertu látinn

Ég bý ekki lengur í Berlín og brjóst mitt er höfugt af trega
en tau mitt er sniðið úr terlín því tárast ég mátulega

Enginn grætur Íslending
einan sér og dingalingaling
einan sér og öldauðan

Ég gangaði eitt sinn suður við sjá með seltubragð í munni
sæbarinn ýfðist sjórinn þá en selur kvað í runni

Meinleg örlög margan hrjá mann og ræna dögum frá
sá er jafnan endir á íslendingasögum já
það er nú það oseisei

Í iðjagrænum engireit ofurlítill jungfrú skeit
en um þann verknað enginn veit
og engan má það gruna
en allra síst lögguna

Heill þér skrifuður skræðna á skerinu eymdar
þú lifir á morgun líkteinsog ég og þegar langdauðan tignar múgurinn þeg
þá glottirðu kalt og kúkar onaf skýinu

Vertu í rassinum ragur og reiddu hvern adamskund
hugsaðu um það hýr sveinn á hverri stundu

Jónas klár í hvalnum heiða hvarma gljár við baugunum
á sér hár hann er að greiða uppúr magasýrunum

Non amo te Sabide nec possum dicere quare
hoc tantum possum dicere - non amo te

Ég er að ná henni - Hvað? Hverri? - Golunni
það er heljarstór rotta í holunni

Ég er að geispa henni - Hvað? Hverri? - Glórunni
það er heljarstór bóla á hórunni

… ég er nú þegar orðinn ær
abrakadabra nær og fjær
í Hvíta húsinu - hvar er hann Jón
Kennedí? Æ ertu látinn

2009-01-15T21:13:00.000Z

djöfull er gaman að vera til. Fyrir utan viðbjóðslegt saltfiskseftirbragð, það er að segja.

nýtt verkefni

2009-01-13T09:51:00.002Z

að venju fer hálftími í frestunaráráttu og bardaga við kvíðadrekann, áður en ég kem mér að verki.

2009-01-11T00:54:00.002Z

eftir nærri því heila viku af krónískum fjörfisk er ég farin að óttast að ég verði eins og mamma Amélie, þjáist af taugakippum í auga vegna slæmra tauga. Annars er ég ágæt á tauginni, spurning hvort að einkennið birtist á undan orsökini, og innan mánaðar verði ég komin á róandi...?

the power is on

2008-12-16T11:23:00.003Z

ó, gömlu góðu bloggleikir

Directions:
1. Put your iPod, iTunes, Windows Media Player, etc. on shuffle.
2. For each question, press the next button to get your answer.
3. YOU MUST WRITE THAT SONG NAME DOWN NO MATTER HOW SILLY IT SOUNDS
4. Pick ten Random friends who like music as much as you do and tag them.

1. IF SOMEONE SAYS "IS THIS OKAY" YOU SAY?
small deaths are the saddest (múm)

2. HOW WOULD YOU DESCRIBE YOURSELF?
hope there's someone (antony and the johnsons) - hahaha

3. WHAT DO YOU LOOK FOR IN A GUY/GIRL?
water may walk (devendra banhart) - uhh... ókeei...

4. HOW DO YOU FEEL TODAY?
first day of my life (bright eyes) - ó svo satt. halló, jólafrí!

5. WHAT IS YOUR LIFE PURPOSE?
dead bodies (air) - vó!

6. WHAT IS YOUR MOTTO?
one day she'll park the car (mugison)

7. WHAT DO YOUR FRIENDS THINK OF YOU?
three little babes (joanna newsom) - one little babe væri alveg nóg takk fyrir. Nema ég sé með þríklofinn persónuleika...

8. WHAT DO YOUR PARENTS THINK OF YOU?
in sharky water (disco inferno) - uuuu, ókei mamma

9. WHAT DO YOU THINK ABOUT A LOT?
shiver (coldplay)

11. WHAT DO YOU THINK OF YOUR BEST FRIEND?
buffalo soldier (bob marley) - hahaha

12. WHAT DO YOU THINK OF THE PERSON YOU LIKE?
big stuff (billie holiday) - djúsí stöff, maður

13. WHAT IS YOUR LIFE STORY?
pagan poetry (björk)

14. WHAT DO YOU WANT TO DO WHEN YOU GROW UP?
shakespeare's sister (smiths)

15. WHAT DO YOU THINK WHEN YOU SEE THE PERSON YOU LIKE?
hallelujah (jeff buckley) - vá!

16. WHAT WILL YOU DANCE TO AT YOUR WEDDING?
dusty (khonnor)

17. WHAT IS YOUR HOBBY/INTEREST?
satan's saxophones (sufjan stevens)

18. WHAT IS YOUR BIGGEST FEAR?
bathroom girls (air) - hahaha, býst við að tíma klósetttrúnóanna sé lokið hjá mér

19. WHAT IS YOUR BIGGEST SECRET?
amsterdam (coldplay) - what happens in amsterdam stays in amsterdam

20. WHAT DO YOU THINK OF YOUR FRIENDS?
huddle formation (the go team)

21. SONG THEY WILL PLAY AT YOUR FUNERAL?
ghosts of yesterday (billie holiday) - jahá

22. WHAT WILL YOU POST THIS AS?
the power is on (the go team)

2008-12-11T20:55:00.000Z

ég er veik og það er ömurlegt og það er svo erfitt að vera ég! Héðinn! Laga!

skassið

2008-12-08T23:07:00.001Z

ég: Ér ég nokkuð svona gella sem er ógeðslega hard to please?
héðinn: Nei... but you're easy to bug

ejaculation

2008-12-04T16:28:00.001Z

In grammar, an ejaculation is an utterance that expresses a feeling outside of the normal language structure. Often, but not always, it is an exclamation, most often consisting of a single word, either an interjection or a profanity or both.

...

An example of this usage from David Hickey's 1884 novel William and Mary: A Tale of the Siege of Louisburg, 1745:

""Shiver me timbers, but I'll dew suthin' with it," he ejaculated, holding up the missive and then feeling it over and over again."

Alma þýðir sál, þú veist...

2008-11-20T20:50:00.003Z

Tilfinningum mínum í dag er best lýst með orðum Nylon úr laginu Losing a Friend

But it's all right
I still remember the first time
Everything chased on the inside
I was alright on the outside
Of life
When you can't sleep
And you know what it's like to be lonely
Don't even bother to phone me
Cos I'll be all right in the end
And it's not cos you're breaking my heart
I'm just losing a friend.

Hahahaha oj!

Ég verð bara að játa á mig þá herfilegu fordóma að geta ekki tekið Ölmu í Nylon alvarlega, jafnvel þótt hún sé orðinn djúpur og alvarlegur pistlahöfundur á Fréttablaðinu.

...

2008-11-19T19:32:00.001Z

og djöfull er þessi bob líka með myndina sína í stórri upplausn!

það voru mikil vonbrigði...

2008-11-19T19:21:00.003Z

þegar Emil benti mér á það í gær að Bob Marley heitir Bob. Virðist augljós sannleikur í fyrstu en spáið aðeins í því... BOB!

Það eru bara svona gæjar sem heita Bob:

Mömmusaga með dónatvisti

2008-11-18T15:52:00.001Z

Um daginn varð ég vitni að því í beinni útsendingu í gegnum símann, að móðir mín klæddi sig í sokkabuxur. Það var magnþrungið.

Andskotinn!

2008-11-18T00:00:00.003Z

Og ég sem hélt ég gæti laumast óséð aftur inn í bloggsenuna. Ojæja, nú neyðist ég víst til að blogga um Geir helvítis Haarde.

.... Ókei nei. Ég geymi málefnin fyrir þá málefnalegu. En ef þið tvær biðjið fallega þá skal ég segja ykkur dónasögur og nýjar fregnir af móður minni...

2008-11-16T11:50:00.002Z

Klukkan hálfsex í morgun rúllaði Ingibjörg inn í stofuna mína og spurði hvort við gætum horft á Snatch. Eðli málsins samkvæmt var þessi hugmynd ekki framkvæmd.

Íslandssól

2007-12-14T03:33:00.000Z

Í kvöld var síðasta lausa kvöldið mitt hér í Granada (að því gefnu að ég láti ekki lokkast út annaðu kvöld, sem er svosem alveg líklegt), ég drakk allt sem ég hef lagt í vana minn að drekka hér, fór á alla barina mína, sá flamencoshow, borðaði sveitt kebab og klökknaði tvisvar. Besta stund kvöldsins var þó þegar ég kvaddi einn vin minn hér og hann sagði: "Ha sido un placer conocerte, eres un sol de chica". Þetta var það fallegasta sem nokkur hefur sagt við mig í langan tíma.

"Ekki núna elskan"

2007-12-01T16:37:00.000Z

Juampe átti afmæli í gær (fyrir óglögga er hann kennari, meðleigjandi og besti hommavinur minn). Í afmælisgjöf fékk hann talandi, bleikan titrara, sem segir fleygar setningar eins og "not now, baby" og "I have a headache", þegar maður snertir hann. Miðað við hvað Juampe er komplexeraður fyrir get ég ekki varist þess að hugsa hvaða áhrif það mun hafa á hann að meira að segja víbratorinn hafni honum...

Annars tókst mér að heilla víbratorinn alveg upp úr skónum... allavegana tókst mér ekki að fá hann til að segja múkk við mig, sama hvað ég reyndi, á meðan hann hreytti út úr sér lélegum afsökunum við alla aðra þegar þeir svo mikið sem önduðu á hann. Svoneretta, allur heimurinn þráir mig, meira að segja kynkaldir víbratorar.

Og já, smá fróðleiksmoli: titrari á spænsku er "consolador". Bein þýðing: huggari. Gamanaðessu

3 færslur á einum degi!

2007-11-30T16:31:00.000Z

Ég var nýsest á klósettið þegar Einar kallaði innan úr stofu:
"Kallaðu bara þegar þú ert búin"

3 færslur á einum degi er kannski aðeins of mikið (að því gefnu að maður sé ekki jafn bráðskemmtilegur og Ármann Jakobsson), en mér fannst þetta bara of gott til að sleppa því.

óóóóójá!

2007-11-30T14:09:00.000Z

Eftir að hafa spjallað stundarkorn við leigubílsstjóra kom það honum mjög á óvart að ég skyldi ekki kunna orðið "umferðarljós" á spænsku. Hann hélt nefnilega að ég væri innfæddur Granadabúi. Hálftíma seinna ljóma ég enn af gleði.

Fagmannleg viðbrögð á spænsku ræðismannsskrifstofunni

2007-11-30T10:33:00.000Z

-Já halló?
-Góðan daginn, ég er að hringja héðan frá Spáni...
-Uuuuu?
-Er ég kannski að hringja í skakkt númer?
-Ha? Nei
-Þetta er sumsé hjá spænska ræðismanninum?
-Já, en heyrðu, geturðu kannski hringt aftur eftir svona hálftíma, ég er dálítið upptekinn...

Eftir þetta mjög svo heimilislega spjall skellti ég á, og velti fyrir mér hvernig hann svarar í símann heima hjá sér, ef hann svarar svona í símann í vinnunni...

Ég er sjálfri mér verst

2007-11-28T13:26:00.000Z

Það vantaði nú bara að maður dytti inn í fjandans Prison Break líka!

2007-11-26T02:40:00.000Z

Undanfarna viku hef ég af og til gist heima hjá Dagnýju. Í hvert einasta skipti hefur Einar vaknað um fjögurleytið og öskrað sig hásan í svona hálftíma yfir einhverri algerri steik sem hann er að dreyma, áður en Dagný nær að róa hann og fá hann aftur til að sofna. Hátindinum var náð í gærnótt þegar hann hljóp trylltur fram á gang vegna þess að dúkkan hans var ekki í sokkum og hann var viss um að sokkarnir væru í lyftunni. Ég er svona almennt orðin frekar lunkin í barnasálfræðinni en klukkan fjögur um nótt á ég bara ekki til svar við sokkaleysi Péturs Bambaló. Enda man ég ekki betur en ég hafi bara sest upp, litið í kringum mig og sagt "hann er í ruglinu, Dagný, RUGLINU". Ég á greinilega langt í land með að verða foreldri...

Játning

2007-11-15T22:31:00.000Z

Ég þvæ mér ekki í framan reglulega, ég nota hvorki sólarvörn né rakakrem, né exfólíeitör né tóner að staðaldri. Mér hættir til að drekka minna en lítra af vatni á dag, og ég hef aldrei farið í húðhreinsun. Fram til dagsins í dag hefur mér fundist þetta fullkomlega eðlilegt, en fram til dagsins í dag hafði ég heldur aldrei farið í viðtalstíma við snyrtifræðing (ekki spyrja, tungumálaörðugleikar spiluðu inn í). Konan bókstaflega missti andlitið. Sem er í sjálfu sér mikil synd þar sem hún hefur augljóslega lagt mikla vinnu og peninga í það.

Kyn

2007-11-14T15:46:00.000Z

Vinur minn útskýrði í gær fyrir mér, kominn vel á fimmta bjór, þá írónísku staðreynd að spænska orðið fyrir typpi er kvenkynsorð en orðið fyrir píku karlkynsorð. Þetta fannst mér fróðlegt þar sem typpin hafa jú alltaf verið að vefjast fyrir mér (náttúrulega bara í málfræðilegum skilningi - ég er fróm stúlka og lofuð). Eftir daginn í dag mun það því ekki gerast aftur að ég kalli typpi óvart "kjúkling".

Ég sagði honum svo að íslenska orðið fyrir typpi væri hvorugkynsorð. Hann hló svo mikið að hann datt af stólnum sínum.

Þetta finnst mer fallegt...

2007-11-05T19:40:00.001Z

¡Joder!

2007-10-30T22:26:00.000Z

Ég var að horfa á þessa mynd áðan með hommavinum mínum. Nánar til tekið... ég álpaðist inn í stofu, og þeir mútuðu mér með kínamat. Tilboð sem ég gat ekki hafnað.
Númer eitt! Ég hef ekki séð svona mörg typpi í striklotu í langan tíma. Jú, æi, reyndar þegar við komumst að því að á næturnar erum við með 7 fríar klámrásir, hverja annari dónalegri (Við erum alveg að tala um plasthnefa í vagínu hérna. Plasthnefa! Vagínu! Djöfulsins!) En hitt hljómar áhrifaríkara.
Númer tvö! Þessi treiler gefur sko klárlega ekki til kynna hvað þessi mynd er dónaleg. Kallið mig íhaldssaman fávita, en eftir ákveðið marga rassa þá brestur bara eitthvað innra með mér.
Númer þrjú! Öllum hommavinum mínum fannst hún frábær. Það er æst fyndið, miðað við að hún er af svipuðum gæðastaðli og Not-another-teen-movie-15, og þeir eru allir þrítugir, tveir kennarar og einn læknir.

Fyrirgefið ef ég er ekki mitt vanalega, kalda, intellektúal sjálf. En það verður að taka það með í reikninginn að ég var að horfa á samkynhneigðu, óhefluðu útgáfuna af American Pie.

Svo þegar húllumhæinu var lokið, öllum aðalsöguhetjunum hafði tekist að láta dúndra sig í þann óæðri og svona, þá sagði ég, svona hálf í gríni: "úff, ég held að ég sé sködduð fyrir lífstíð". Þá horfðu þeir allir á mig eins og ég hefði hent eggi á gay-pride og brennt regnbogafánann. Svona kemur það manni í koll að vera laumutepra.

Dissoríented

2007-10-29T13:12:00.000Z

Hvaða bölvaður fávitaskapur og endemis kjánalegheit eru það að breyta tímanum og láta mann ekki vita! Ég var rænd heilum klukkutíma af svefni í morgun, og allir opnunartímar í búðum hafa verið mjög á reiki síðustu daga. Svona er þetta, sama hvað ég reyni tekst mér fjandakornið aldrei að halda mér í takt við tímann.

Stigagangur Örlaganna

2007-10-28T16:05:00.000Z

Ég hef komist að þeirri niðurstöðu að stigagangurinn minn er mjög sorglegur staður. Með réttu ætti að nefna hann "El suspiro de la cucaracha", eða "Andvarp kakkalakkans" þar sem allt bendir til þess að þangað fari kakkalakkar til að deyja, einhver svona rómantískur hinsti áfangastaður fyrir þessar skelklæddu sálir. Í þessum annars mjög snyrtilega stigagangi er nefnilega yfirleitt að finna kakkalakka í andarslitrunum. Einnig virðist sem þeir geri þetta eftir einhverju ritúali. Stigagangurinn er alltaf þrifinn á þriðjudögum, og á hverjum miðvikudegi er mættur nýr kakkalakki, hvers lík liggur svo til sýnis í heila viku áður en ræstingakonan leggur hann til hinstu hvílu í sorptunnunni á horninu. Þetta hlýtur að vera með ráðum gert, enda ekki að undra, maður deyr jú bara einu sinni, og það væri bölvaður antíklæmax fyrir einhvern lakkann að fái bara einn til tvo daga á dánarbeðinu.

Persónulega fer þetta ekkert fyrir brjóstið á mér. En mikið vona ég að þeir ákveði ekki að flytja dánarstað sinn upp á fyrstu hæð, íbúð 1-B.

Hvílið í friði - ógeðin ykkar!

Viðtengingarháttur

2007-10-01T18:15:00.000Z

¿Es verdad que nadie me eche de menos?

Í fréttum er þetta helst...

2007-09-28T14:23:00.000Z

... að ég gafst upp á sófalífinu í stofunni sem er líka borðstofa og eldhús, og er byrjuð að leigja herbergi hjá Svampa vini mínum (og kennara) sem reyndist svo vera annar helmingurinn af einu dásamlegasta hommapari sem ég hef hitt. Síðdegis eru þeir báðir mjög intellektúal, "við tölum 3 tungumál og erum með þriggja daga skegg" karlmannlegir gæjar, en eftir tvo til þrjá bjóra verða þeir eins og flissandi smástelpur, og þegar þeir dilla sér, ó hvað ég elska þegar þeir dilla sér!

Í dag er svo útúrsteiktur 28 ára þýskur líffræðingur að flytja inn. Sá heitir Andreas og er ótrúlega fyndinn, en ég er ekki alveg viss hvort að það er af því að hann er svona skemmtilegur persónuleiki eða af því að hann er með svakalegasta þýska hreim sem ég hef heyrt (hann rústar alveg gæjanum í "vat are you zinking about" auglýsingunni). Hann er líka alltaf skakkur, og með agnarsmáa hermannaderhúfu. Við erum orðnir miklir félagar, þrátt fyrir samskiptaörðugleika og þá staðreynd að ég fer alltaf undan í flæmingi þegar hann spyr mig hvort ég kunni að elda. Síðast leigði hann nefnilega með, meðal annarra, ákaflega undirgefinni portúgalskri stelpu sem eldaði mat ofan í allt hverfið á hverju kvöldi.

Þriðji leigjandinn er svo enn ófundinn, ein stelpa er búin að koma að skoða en Svampi sagðist ekki vera alveg viss með hana af því að hún er víst "ekki eins og við". Ég veit ekki alveg hvað ég á að lesa í það um eigin persónuleika, en ég, Svampi og Andreas erum víst af sömu dýrategund. Hvaða dýrategund það er á ég enn eftir að komast að...

Misskilningur

2007-09-24T19:33:00.000Z

Í dag lenti ég í mínum fyrsta tungumálamisskilning. Samtalið sem ég hélt að væri að eiga sér stað var svona:

Klara (við nýja strákinn í bekknum): Áttu nokkuð auka penna? Ég gleymdi öllum mínum heima hjá vini mínum um helgina
Nýji Strákur: Ha?
K: Mig vantar penna
NS: Uuuu...
K: Tússlit? eitthvað
NS: Uh nei... því miður
Svampi: Hvað segirðu Klara
K: Mig vantar penna... átt þú nokkuð penna?
S: Auðvitað á ég penna, hvað meinarðu?
K: Má ég fá hann lánaðan?
S: HA?
K: Ég gleymdi öllum pennunum mínum heima hjá Jason um daginn, og mig vantar að nota einn núna
S: UM HVAÐ ERTU AÐ TALA?
K: Penna... svona til að skrifa með
S og NS: Jaaaaaá, HAHAHAHAHAHAHA

Samtalið sem var í rauninni að eiga sér stað var svona:

Klara (við nýja strákinn í bekknum): Áttu nokkuð auka typpi? Ég gleymdi öllum mínum heima hjá vini mínum um helgina
Nýji Strákur: Ha?
K: Mig vantar typpi
NS: Uuuu...
K: Tússlit? eitthvað
NS: Uh nei... því miður
Svampi: Hvað segirðu Klara
K: Mig vantar typpi... Ert þú nokkuð með typpi?
S: Auðvitað er ég með typpi, hvað meinarðu?
K: Má ég fá það lánað?
S: HA?
K: Ég gleymdi öllum typpunum mínum heima hjá Jason um daginn, og mig vantar að nota eitt núna
S: UM HVAÐ ERTU AÐ TALA?
K: Typpi... svona til að skrifa með
S og NS: Jaaaaaá, HAHAHAHAHAHAHA

Dem!

2007-09-21T10:30:00.000Z

Það er þrumuveður úti. Samt er hitastigið á við besta forsíðufregnar-hitastig á íslandi, og maður hefur það bara mjög notalegt undir regnhlífinni sinni. Ég gæti alveg vanist þessu...

Velkomin heim

2007-09-15T14:19:00.000Z

Í gær gegnum sótsvart ský ölvunar minnar sá ég mér til mikillar kátínu að það eru líka stjörnur í Granada

... Það var ljóðrænasti hluti annars mjög ómenningarlegs kvölds

Um dýrin úti í Afríku, um apana og fleira

2007-09-10T16:28:00.000Z

Ég byrjaði á spænskunámskeiðinu í dag. Það var eins og við mátti búast, svona fyrsta daginn - vandræðalegt og fullt af könum. Það fyrrnefnda mun sennilega breytast. Það síðarnefnda er víst blákaldur raunveruleikinn. Þetta er annars skemmtileg tilbreyting frá vinalausum hversdagsleikanum, enda vona ég að það að fara með þjóninum mínum í spænska góða hirðinn hafi ekki verið hátindur félagslífs míns hér í landi.
Ég hafði lúmskt gaman af að hitta svona hóp af nýju fólki og stilla fordómagírinn alveg í botn. Með mér í bekk eru eftirfarandi nemendur:
- Þýsk stelpa sem er alveg ótrúlega löng og mjó, og með mjótt andlit - svolítið eins og einhver hafi teygt hana. Hún talar spænsku með frönskum hreim af því að eftir menntaskóla vann hún í eitt ár í disneylandi í parís. Hún var klædd í fjólublátt frá toppi til táar, og maulaði grillaða samloku þegar hún sagði mér að hún væri að læra viðskiptafræði, en fyndist skemmtilegast að semja trúbadoratónlist. Frábært eintak
- Norsk stelpa sem mér fannst alveg fullkomlega óþolandi. Hún gjammaði alltaf fram í ef hún hélt að maður hefði sagt eitthvað vitlaust (og reyndist þá oftar en ekki hafa rangt fyrir sér), setti stút á munninn og dillaði hausnum við hvert tækifæri, og var með kæk að skella alltaf í góm, og þegar mjóa þýskan benti henni á það gerði hún það aftur, ennþá hærra og setti svo stút á varirnar og gerði svona "true dat" höfuðhreyfingu. Hún talaði líka manna hæst um málstofn íslensku, og greip alltaf fram í fyrir mér þegar ég reyndi að útskýra fyrir henni að íslenska væri ekki skyldust finnsku. Það eina sem er súrara en besserwisser er besserwisser sem veit ekkert í sinn haus.
- Bandarískur strákur sem var með dýpstu rödd sem ég heyrt og að horfa á hann var eins og að horfa á venjulega manneskju gegnum stækkunargler. Stórkostleg upplifun þar sem hann sat við hliðina á löngu mjóu stelpunni. Hann gerði hinsvegar lítið annað en að horfa tómlega út í loftið.
- Ástralskur maður - já maður - sem vinnur tvær vikur í mánuði á olíuborpalli í skotlandi en hinar tvær í Granada, af því að það kostar minna að leigja þar. Úff hvað ég myndi fá ógeð á flugvélamat!
- Bandarískur strákur sem er blússandi besserwisser og frá "oklahoma", sem er víst "bang in the middle of the States, man!"
- Bandarískur strákur sem tókst á einum degi að klúðra öllum æfingunum, misskilja öll fyrirmæli, gleyma öllum bókunum sínum og koma seint bæði fyrir og eftir hlé. Maður tekur alveg ofan fyrir þessum.

- Íslensk stelpa sem getur ekki ímyndað sér að þetta fólk sé betra en allir krakkarnir heima. Mikið sakna ég ykkar allra!

-Já, og kennarinn minn heitir Juampe. Ég ætla hér eftir að kalla hann "Svampi"

Ekki stúlka, ekki enn kona

2007-09-09T11:45:00.000Z

Mig dreymdi draum í nótt. Ég var í ilmvatnsbúð og að reyna að ákveða hvort ég ætti að kaupa mér konuilmvatnið "lovely" eða stelpuilmvatnið "moschino love".

Hnotskurnin

2007-09-08T14:25:00.000Z

Ég hef gerst fastakúnni á einu kaffihúsi rétt hjá þar sem ég bý, í hverfinu Realejo í Granada. Á rúmri viku hef ég meira að segja náð að ganga svo langt í fastakúnnsku minni að ég á mér mitt fastasæti við mitt fastaborð og ég og minn fastaþjónn fórum og fengum okkur drykk um daginn þegar hann var í fríi... Svo hef ég lagt það í vana minn að teikna hvern þann sem sest í eitt sæti við borð rétt hjá mínu. Spánverjarnir taka flestir bara vel í það, hlæja og spyrja hvaðan ég er. En ein stelpa gekk upp að mér og sagði hneyksluð "nó þeink jú" á ljótri ensku, á sama hátt og hún sagði "nó þeink jú" við betlarann sem vildi selja henni kveikjara. Þarf ekki að véfengja það frekar að þar var Þjóðverji á ferðinni.

Vendipunktur

2007-06-21T14:09:00.000Z

Í kvöld ætla ég að endurnýja kynnin við hina stórkostlegu Kristínu Oladóttur. Vonandi verður samband okkar stutt, en farsælt.

Húrrandi Antíklæmax

2007-06-02T11:22:00.000Z

Ég útskrifaðist í gær. Snitturnar voru ágætar.

Mæspeis og dónahleifar

2007-05-28T23:45:00.003Z

Ég gæti sagt ykkur eftir hvaða krókaleiðum netheima ég fór, svona til að afsaka mig og forðast allan misskilning, en það eru málalengingar. Ég álpaðist inn á mæspeis síðu Jennu Jameson, þeirrar virtu dónakonu. Það er svosum ekki í frásögur færandi, en mér fannst hálfskondið að sjá myndir af henni og kærastanum hennar við hin ýmsu tækifæri, sumar bara svona ooo-við-erum-kærustupar-krúttu-venjulegar (aðrar reyndar alveg frekar sveittar og enn aðrar gallsúrar). Bottom lænið er það að klámstjörnur deita, giftast og eignast jafnvel börn. Það finnst mér alveg útúrsteikt. Þær vakna á morgnana og kyssa eiginmanninn sinn bless. Því næst fara þær í vinnuna, lesa handrit sem plöggar það einhvern vegin að ein kona þurfi 3 stælta karlmenn til að gera við sjónvarpið sitt, láta púðra og snyrta sitt allraheilagasta og "vinna svo vinnuna sína". Að degi loknum skoppa þær svo heim á leið og elda kjöthleif.

... eða kannski ekki kjöthleif

Kvenleggurinn

2007-05-27T17:40:00.001Z

Amma mín upp úr þurru: ,,Ég held ég sé fífl"

Blessaður kaninn

2007-05-26T20:02:00.000Z

Af hverju getum við ekki gert þetta á útskriftinni, öll með stúdentshúfurnar, í stað þess að sitja undir milljón ræðum og söng við píanóundirleik. Íslendingar eru svo ófrumlegir.

P.S. Ég elska að þeir eru allir í stuttbuxum nema tveir

Skömmin

2007-05-23T12:57:00.000Z

Ég hef lagt það í vana minn að skammast mín fyrir allt mögulegt. Ég skammast mín fyrir hluti sem ég segi, það sem ég geri, hvernig ég geng, hvernig ég hlæ, hverju ég hef áhuga á, hvaða tónlist ég hlusta á og þar mætti lengi telja.

Í dag skammaðist ég mín fyrir að vera ekki nógu vel til höfð á Þjóðarbókhlöðunni. Þá fannst mér nóg komið.

2007-05-22T19:03:00.000Z

Var að flækjast á netinu áðan og rambaði inn á bloggsíðu eins fastakúnnans á mokka, sem leggur það í vana sinn að teikna myndir af fólki í kringum sig. Mér til mikilllar undrunar sýndist mér ein myndin á síðunni hans vera af mér og mér til meiri undrunar þá roðnaði ég upp í hársrætur. Svo þaut blóðið enn meira fram í kinnarnar á mér þegar ég fattaði að þetta var ekki einu sinni ég.

af þessu hef ég lært þrennt:
1. Það er vandasamt að vera ungur og allt of meðvitaður um sjálfan sig
2. Ég get roðnað allt frá enni og niður á bringu. Hakan þó undanskilin.
3. Þessi mynd er pínulítið lík mér.

Meðalmennskan

2007-05-20T22:10:00.000Z

Íslendingar vilja allir verða mikilmenni. Það virðist vera brennt í sálir landans, við hliðina á hugtakinu ,,Íslandsvinur" sem allir hata en aldrei deyr. Sköpunargáfan er dýrkuð eins og gyðja og sé hún á annað borð til staðar er ekki vit í öðru en að bera hana á torg fyrir land og þjóð. Barist er um þessi örfáu sæti í Listaháskóla Íslands, en sjúkrahús landsins eru undirmönnuð. Bæði er jafn ábatasamt, sértu meðalmaður að hæfileikum eins og flestir aðrir, en hugtök eins og "passjón", "glamúr" og að "meika það" eru ekki viðloðandi frama í hjúkrunargeiranum.

Hér áður fyrr braust sköpunargleði meðalmannsins út í tómstundaiðju. Listaverkin voru heimasaumaðar barnasængur með flúrsaumi, útskornir trélistar, stöku málverk á vegg og stafli af teikningum ofan í skúffu. Tónverk voru samin fyrir mannamót, eða fyrir háttatíma barna. Hver maður átti sköpunargáfu sína fyrir eigið hjarta. Engan dreymdi um að lifa á listinni, og gerði einhver það, þá var það vegna þess að hann skaraði fram úr, sköpunargáfa hans var slík að hún átti erindi við aðra.

Nú er skapað fyrir markað og misgóðum verkum misgóðra listamanna er otað að manni úr öllum áttum. Æ fleiri ganga með þann draum í maganum að geta lifað á listinni, þrátt fyrir að draumurinn eigi sér ef til vill ekki dýpri rætur en að vilja vera gjaldgengur í hin ýmsu VIP herbergi. Æ fleiri sækja í listnám en líta niður á hagnýtt (ja, eða allskostar óhagnýtt) bóknám, vilja heldur eltast við drauminn um mikilmennsku en þann drauminn sem lýtur að því að geta séð eigin börnum farborða, eða bakað pönnukökur.

Ég hef lengi lumað á þeim þráláta draum í maganum að verða mikilmenni. Ég reyni að gefa honum sem minnstan gaum svona í daglegu lífi, en öðru hverju skýtur hann upp kollinum: Æ, jújú, ég er nú frekar drátthög, ætti ég kannski að fara í hönnun í amsterdam? Eða bara stofna hljómsveit eða eitthvað. Ég sveif á rósrauðu draumóraskýi í nokkra daga eftir að ég frétti að ég hefði fengið 9,5 á stúdentsprófi í íslenskri ritgerð, þarna hafði gullni vegurinn opnast til frægðar og frama sem rithöfundur. Ég ætti að drífa mig í megrun strax, kaupa mér týpugleraugu og hætta að setja mjólk út í kaffið mitt. Hinir væntanlegu ritsigrar mínir voru aukaatriði, aftur var það ímyndin og almenningsálitið sem lokkaði mig. Um leið og ég hafði áttað mig á því rankaði ég við mér hið snarasta, og sneri aftur til fyrri áætlana, að verða íslenskukennari.

Ef til vill mun eitthvað sem ég skapa eiga erindi við aðra, líklega þó ekki. Ég held hinsvegar að það hafi verið eitt af mínum mestu gæfusporum að snúa baki við draumnum um mikilmennsku. Nú horfi ég fram á veginn með tilhlökkunarkitl í maganum, í stað þess að finna bara til kvíða og vanmáttarkenndar. Ég ætla að láta VIP herbergi þessa heims lönd og leið, baka lummur á sunnudögum og hlaða niður börnum. Kannski verð ég ekki hönnuður í amsterdam, en ég ætla allavegana að sauma kjóla á dætur mínar og eiga kannski nokkrar teikningar ofan í skúffu. Það þykir mér alveg nóg.

Leitið og þér munuð finna

2007-05-19T15:05:00.001Z

Héðinn var á google myndaleitinni. Það sem hann var að leita að voru skjaldbökur. Það sem hann fann:

Turtle and Joel at the Ghetto.

Það er ekki einn einasti pixell á þessari mynd sem er ekki sveittur. Jú, kannski nokkrir þarna í efra horninu til vistri.

Hið fróðlega samspil hormóna og stúdentsprófa

2007-05-18T17:40:00.000Z

Í dag sneri ég aftur til gelgjuáranna, þessara ára sem ég hélt að ég hefði skilið eftir djúpt grafin í einhverjum skáp með reykelsunum, grátklökku vélrituðu dagbókarfærslunum og geisladisk með Toni Braxton.

Elvis er lentur

2007-05-17T10:10:00.000Z

Hvaða tími er betri til að hefja aftur bloggferilinn en þegar maður er orðinn svo ringlaður af próflestri að maður farinn að hugsa í e-s konar blöndu af latneskum hermennskufrösum, spænskum upphrópunum (¡Hombre!), þýskum bókmenntahugtökum og enskum setningum um morð og galdrakukl?

Já maður spyr sig!

Ætthagafjötrar

2007-05-16T11:24:00.001Z

Ég hef ákveðið að verða Íslenskukennari

Til þín sem hringdir í mig á meðan ég var að leggja mig

2006-08-01T00:23:00.000Z

Ég man að ég var sofandi
ég man að ég svaraði í símann: "móttökudeild, Klara"
ég man að ég sagðist ætla að hringja aftur
ég man ekkert hver þetta var

... var það eitthvað mikilvægt?

útlendingurinn

2006-07-25T23:56:00.000Z

Petra fór í morgun. Ó, hún var svo dásamlega útlensk. Ég fékk að upplifa Reykjavík eins og eitthvað hvergiland, sem er fullt af áhugaverðum stöðum, fólki og viðburðum. Séð með augum hrifgjarns hollendings er nefnilega hilvíti margt sniðugt hægt að bralla í Reykjavík. Á síðustu tveimur vikum er ég búin að:

vaka heila nótt
halda matarboð
keyra tvisvar til keflavíkur og til baka á hálfum sólarhring
teikna meira en ég hef gert samtals síðastliðið ár
gleyma ítrekað að borða
fara í myllu og hengimann í fáránlega langri röð
eyða skrilljónkalli á Babalú
fremja lögbrot
taka myndir
sofna í bílnum mínum
vera með rautt naglalakk
flýja í húsasund
klifra í tré
klifra í styttu
dansa til 6 um morgun
finna kjólinn
horfa á sólarupprásina
grilla sykurpúða

... líða skringilega... en það er allt í lagi. Öll él styttir upp um síðir. Sérstaklega ef maður þekkir nógu mikið af liði sem er til í að gefa skít í veðrið með manni.

Asskoti á maður eftir að sakna þessarar stelpu

2006-07-18T10:55:00.000Z

Ef þú ert kvalin örgum pínslum
illra meina sífelldri nauð
og vondra manna mörgum klækjum
mildi guðs að þú ert ekki dauð.

Þá vappa skaltu' inn í Víðihlíð
Já Víðihlíð og Víðihlíð
og vera þar síðan alla tíð,
alla þína tíð.

Ef þú kúrir ein í horni
enginn þér sinnir þá græturðu lágt.
Og fáirðu matinn kaldan og klénan
og kjötið það sé bæði vont og hrátt.

Þá vappaðu inn í Víðihlíð
Já Víðihlíð og Víðihlíð
og vertu þar síðan alla tíð,
alla þína tíð.

Ef börnin í þig ónotum hreyta
æskirðu liðsinnis buguð af þraut.
Og ef bóndinn hann segir bless og er farinn
þá búið það tekur að vanta graut.

Þá vappaðu inn í Víðihlíð...

Ef enginn þér sýnir samúð neina
en sorgirnar hlaðast að fyrir því.
Og ef engin hræða til þín tekur
tillti né sýnir viðmót hlý.

Þá vappaðu inn í Víðihlíð...

Í Víðihlíð er veðurblíð
vondir kallar þeir sjást ekki þar.
Og ótal stúlkur stökkvandi til þín
stefna og færa þér gnótt matar.

Þá valhoppaðu inn í Víðihlíð.
Í Víðihlíð og Víðihlíð
Og vertu þar síðan alla tíð
alla þína tíð - alla þína tíð.

Þær votta þér samúð votum hvörmum
og vítur samþykkja' á pakkið illt - og spillt.
Og sýna þér góðvild í einu og öllu
og eyrun sperra þá græturðu milt - og stillt.

Já valhoppaðu inn í Víðihlíð
í Víðihlíð og Víðihlíð
Og vertu þar síðan alla tíð
alla þína tíð - :.:alla þína tíð:.:.

Ef einhver á þetta lag (það er með Megasi) þá gætir þú sent mér það á undirhundurinn@gmail.com.

Það er nauðsynlegt

2006-07-14T17:54:00.000Z

mér finnst sífellt erfiðara að gera mér grein fyrir að um leið og ég verð eitthvað, verður meira af einhverju sem ég er ekki heldur en einhverju sem ég er. Finnst ágætt núna að vera ekkert og enginn, þannig er ég möguleiki en ekki bara samansafn af lokuðum dyrum

Kæru aðstandendur Myspace (part II)

2006-07-02T14:59:00.000Z

Ég hef lengi velt þessu fyrir mér: Fyrirfinnst einhver sem er EKKI í "my extended network"?

www.faviti.is/klara.html

2006-06-21T16:38:00.000Z

Hvað er betra í leiðindum en símamyndavél, sólgleraugu og portúgölsk hátíðar-skrautkúla?
(umorðað: )Hvernig skemmtir maður hálfvita í heilan dag?

Ég er í fríi á morgun, hringdu ef þú nennir á kaffihús eða í fjallgöngu eða eitthvað

(p.s. ef þú hélst að þetta efsta væri linkur og klikkaðir á þetta ertu lúði

Back to the trenches

2006-06-18T23:14:00.000Z

Fæturnir mínir eftir síðustu gönguna

Ég er komin heim, 64 kílómetrum, 6 blöðrum, 3 kílógrömmum, 12 sturtuferðum, 8 hótelherbergjum, 6 flugvélum, endalausum rútum og leigubílum, 15 kílóum af keyptum varningi, einni stórri smyglaðri áfengisflösku, 5 skópörum, 20 pool-leikjum og 6 rauðvínsglösum síðar.

Allir sem báðu um kort munu fá það, sennilega eftir mánuð eða svo. Portugölsk póstþjónusta er víst mjöööög hægvirk.

like mother like daughter like daughter

2006-06-05T21:50:00.000Z

ég brenn í skinninu að skrifa annað mömmublogg. En það er víst úti núna, það stóð í birtu og það sem stendur í birtu er lögmál, eins og við öll vitum. Þess vegna ætla ég að skrifa ömmublogg:

Amma var sumsé að hjálpa einhverjum manni að girða sig (ójá, ég veit) og var eitthvað að basla við þetta...
maðurinn: áttu í einhverjum erfiðleikum með þetta?
Amma (sem, eins og mamma, ruglast oft á kyni orða, sérstaklega í fornöfnum): já, hann er stífur á þér í dag

... hún var sumsé að tala um beltið

Ég ætla ekki að hafa þetta lengra, af því að ég er á mission að skrifa léleg, stutt, prump blogg til að dissa Önnu Margréti. Gæti samt bætt öðru við í kvöld, af því að ég þarf að vakna hálffjögur og því tekur það því eiginlega varla að fara að sofa. Ég er að fara til portúgal, með það að markmiði að deyja úr astmakasti á einhverjum tindi á Madeira. Ég tala samt bara svona af því að ég kann bara að vera bitur og svartsýn, en einhversstaðar innst inni held ég að ég hlakki bara frekar mikið til.

p.s. ef þið viljið póstkort verðið þið að kommenta heimilisfanginu ykkar... núna! (endilega gerið það, ég er trylltur póstkortanörd)

Afstætt og svoleiðis

2006-05-30T17:52:00.000Z

Við vorum að að fá internet upp í grafarholtið
allt í einu eru allar vegalengdir þúsund sinnum styttri
meira að segja til Sigurlaugar sem er á heimsenda

ch-ch-changes

2006-05-21T12:54:00.000Z

Ef snjór í apríl merkir vonbrigði, hvað merkir þá snjór í lok maí?

Ég er flutt í Grafarholt, nánar tiltekið Þorláksgeisla. Mér finnst ennþá eins og ég sé bara í heimsókn, enda hef ég ekki búið annars staðar en á Bugðulæknum alla mína ævi, og spyr mömmu stundum hvort ég megi fara á klósettið, og sit voða pen á gamla sófanum mínum eins og ég eigi hann ekki lengur. Í gær pöntuðum við pizzu og ég mundi ekki hvað heimilisfangið mitt væri. Verst af öllu finnst mér þó að Amélie spólan mín er einhversstaðar ofan í kassa.

Annars er þetta bara nokkuð fínt, herbergið mitt er með svona "ég-laumast-til-að-reykja-á-kvöldin"-svölum (þó ég ætli ekki að gera það...) og parketi og fínerí. Verð reyndar að sætta mig við það að 40% af húsgögnunum mínum kemst ekki fyrir í því, en um leið og ég hef fundið Amélie spóluna mína er ég ánægð. Ætli ég sé ekki orðin heilaþvegin af feng shui/pollýönnustefnu móður minnar

Mömmubrandarar og Ástralir

2006-05-13T12:58:00.000Z

Eins og hefð gerir ráð fyrir:

Mamma: Hvar er helvítis ryksuguhausinn?
Ég: Hættu að segja svona ljótt
Mamma: Ég var ekkert að segja ljótt
Ég: Jú víst, þú segir ALLTAF ljótt
Mamma: Ég segi ekker alltaf ljótt. Silvía Nótt segir alltaf ljótt!
Ég: Haha, rím
Mamma: (muldrar) Fokking þetta og fokking hitt.

Takið vel eftir því þetta var síðasta mömmubloggið sem ég skrifa. Ég þarf virkilega að fara að einbeita mér að öðrum hugðarefnum.

Að því sögðu: Doddi skrifaði nýlega færslu um kvenkynið sem fékk mann næstum því til að vilja spila "Þér konur" á hæsta styrk, spreyja á mig svona ilmvatni og reykja mjóa ilmandi sígarettu úti á svölum á undirkjólnum einum klæða, smápiltum hverfisins til ánægju og yndisauka. Þar sem, hinsvegar, "Þér konur" vekur hjá mér óneitanlega velgju (reyndar stolti blandna, en samt velgju), ég fæ mjög svo órómantískt astmakast af sígarettureyk og lít ekki beint út eins og Brigitte Bardot (þótt Ólöf hafi nú einu sinni sagt það, líklega til að gleðja mig) á náttkjól þá ætla ég ekki að gera neitt af þessum hlutum, heldur eitthvað annað.

Nú er ég búin að segja ykkur hvað ég ætla ekki að gera. Eða svona, já... listinn gæti svosem alveg verið lengri. Líka listinn yfir það hvað ég ætti að vera að gera en er ekki að gera, hann er líka frekar langur, sem og listinn yfir það sem ég ætti ekki að gera, en enda sennilega með að gera. Þessi bloggfærsla er alveg örugglega á topp fimm yfir það, en próf fá mann til að vera asnalegur. Strákar líka, sérstaklega strákarnir sem fá mann til að blaðra út í eitt og sjá svo eftir hverju orði. Ég er með einn svoleiðis á sjóndeildarhringnum, en svo fer sem fer, kannski vakna ég einn morguninn með kúl, það er aldrei að vita.

(einn tveir og skrifa aftur í skipulagðri orðaröð:)

En aftur að kvenkyninu. Óháð öllu því sem Doddi talaði um í sambandi við kosti stelpna, þá er einn þáttur sem er óhrekjanlegur, og hann gleymdi að nefna: Allar stelpur breytast annaðhvort í a) mömmu sína eða b) hinn öfgann á skalanum eins konar andmömmusína. Bæði er jafnslæmt. Stelpur eru nefnilega klikkaðar upp til hópa, þær hætta ekkert að vera það þótt þær þykist hafa þroskast og eru komnar með bílpróf og eitthvað.

Þar sem mamma mín er af mörgum álitin vera í klikkaðri kantinum, jafnvel af "stelpu" að vera (hún kallar meindýraeyðinn í daglegu tali "the Mein Kampf") , hef ég því komið með krók móti bragði. Ég er ekki að verða eins og móðir mín, ónei! Ég er orðin að móður móður minnar. Húha! Nú skamma ég hana fyrir að blóta (sjá að ofan), spyr hana áhyggjufull hvort hún hafi ekki örugglega borðað nóg í hádegismat og finn fyrir örlitlum andlegum sæluhroll þegar hún segist hafa týnt lyklunum sínum, áður en ég vind mér í að segja henni að hún verði að passa dótið sitt betur.

Henni virðist bara finnast þetta nokkuð fínt, ef ekki pínu gaman, svona að fá að vera unglingur aftur, 55 ára gömul.

Hasta luego, annars (í tilefni af spænskuprófs-RÚSTI), ég er farin á garðsölu.

Fréttir úr andleysinu

2006-04-17T13:59:00.000Z

Þessi klámstjarna...

...á samkvæmt Wikipedia afmæli sama dag og ég.
Wikipedia greinin hennar er með því fyndnara sem ég hef séð, enda rosalega "matter of fact"-lega skrifuð.

Ómenningin lifir!

2006-04-12T00:11:00.001Z

Ég og fjölskyldan mín fórum í kvöld á kórtónleika. Ein kona prumpaði, ég og systir mín sprungum úr hlátri, hláturinn hélt áfram að sjóða í okkur næsta korterið og eftir tónleikana horfðu allir á okkur eins og "skunkana sem flissuðu á menningarviðburði". Týpískt ég að vera meira að segja skúnkur á kórtónleikum í Langholtskirkju.

Look at 'im go!

Ómenningin lifir!

2006-04-12T00:11:00.000Z

4:22 AM

2006-04-02T04:23:00.000Z

Bottom læn: vinirnir sem ég hélt að ég ætti en á ekki og vinirnir sem ég vissi ekki að ég ætti en gæti átt ef ég hætti að vera svona mikið fífl og hugsa um vinina sem ég á ekki.

blogg þetta liggur í andarslitrunum eins og ýmsir aðrir hlutir sem ég hafði einu sinni lagt í vana minn

klukkutíma göngutúrar í 7 stiga frosti eru fljótir að líða ef maður hefur mikið að hugsa um

mamma er vöknuð. Ég er að sofna

(blogg þetta dæmist ógilt þar sem það eru víst einhver prómill í blóðinu mínu. Tilfinningin situr samt eftir þegar áfengið er farið)

mana ykkur til að kommenta á þetta hilvíti. Þetta er bitrasta blogg í sögu blogga. Og það er eitthvað

2006-03-09T16:22:00.000Z

Ég nenni ekki að blogga núna, en ég er búin að feika Jón Eðvald á linkalistann og þá eru afrek mín upp talin í dag.
ég bomba einhverju á ykkur ef ég finn lækningu fyrir krabbameini eða eitthvað

linkalistaöppdeit (bloggdauði, jeee)

2006-03-02T23:23:00.000Z

Þura og Kári eru boðin velkomin, bæði í eiginlegum og óeiginlegum skilningi.

go crazy!

viðbót: Doddi og Björn Reynir. Dittó. Jebb. (ég hata hvað allt sem ég segi eða skrifa verður óskiljanlega mikið hrafl)

Herranæturkátína

2006-02-26T12:14:00.000Z

http://www.dindill.is/grein.php?id=202

Herranæturþunglyndi

2006-02-10T13:26:00.000Z

Ég þarf að leggja mig eða dópa eða eitthvað. Annars fæ ég taugaáfall

Ekkjuhúsið

2006-02-01T23:20:00.000Z

Maðurinn á neðstu hæðinni dó í morgun. Hann hafði búið í þessu húsi frá því að það var byggt, og konan hans býr þar enn. Í fyrra dó maðurinn á miðhæðinni, í hittífyrra dó pabbi. Nú búa bara konur í þessu húsi, í íbúðum með allt of mörg herbergi.

Eftir fjóra mánuði verður flótti minn að veruleika.

hressi þunni væmni

2006-01-28T22:59:00.000Z

Í dag upplifði ég fáránlegustu þynnku sem ég hef orðið vitni að. Ég segi vitni að vegna þess að ég var einhversstaðar lengst inni í hausnum á mér og heimurinn sá bara um þetta fyrir mig.
Í gær var semsagt leikfélagsferð. Með öllu tilheyrandi. Við mikla kátínu var reifið endurvakið og ég varð eins og eitthvað dýr, reifdýr. Ég glímdi við Emil og hann vann mig tvisvar, og Sigurður Kjartan slengdi mér á veggi og gólfið (bókstaflega) í takt við Underground soundtrackið, svo ég rak hausinn í borð.

Í dag vaknaði ég, aum í reifvöðvunum, tók rútuna í bæinn og ráfaði svo, enn á náttfötunum og með sængina mína, með nokkrum álíka týndum gaurum inn á Hamborgarabúllu Tómasar. Við komum við í gæludýrabúð, og hittum hressan síberíuhamstur og ógeðslegan fugl sem hvæsti á okkur, og skoðuðum 50.000 króna páfagaukinn sem Björgvin vill kaupa sér. Hann dró okkur semsagt þangað til að heimsækja hann. Ég vildi að hann kostaði minna og ég ætti einhverja peninga, því ég hef aldrei séð Bjögga svona hamingjusaman. Hann er svo skrýtinn.

Núna er ég bara ágætlega góð á því, og það er komið að mömmu. Hún fékk sér eitt sérrístaup og rauðvínsglas og er nú komin á blússandi ímyndunarfyllerí, Nina Simone er komin á fóninn og mamma skoppar eins og lítið barn á jólunum um íbúðina og vill að ég dansi við sig. Ég sit bara og horfi blíðlega og skilningsríkt á þessa konu sem ég bý hjá. Hún er ágæt.

Appú
Klara væmna

Gettu betur

2006-01-17T19:22:00.000Z

Maggi Lúðvíks: "MR verður alltaf stórveldi"

Ekki laust við að það fari smá skólastolts-fiðringur um mann

Botninum hefur verið náð (kafli 14)

2006-01-11T19:35:00.000Z

ég er í heiladauða- ástandi að horfa á fasteignasjónvarpið í þeirri von að eitthvað betra berist til mín á silfurfati. Ég hef fátt uppgötvað, nema ef til vill það að fasteignasjónvarpið notast við taktfast engisprettukurr undir lobbý tónlistinni þegar verið er að sýna íbúðirnar. Kósý

Kaffi hljómalind góðan dag...

2006-01-08T17:29:00.000Z

Ég: "góða kvöldið, klukkan hvað byrja tónleikarnir í kvöld?" (föstudag)
Kaffi hljómalindargaur: "uuuuu, bíddu... uuu.... já, húsið opnar klukkan 7"
-"Ha, er þá ekki opið fyrr en þá?" (smá létt glens, því þetta er jú kaffihús)
-"Ha?"
-"Er ekki opið fyrr en þá?
-"Ég held nú að fólk mæti sennilega bara svona sjö, annars byrjar þetta kannski ekki alveg sjö en ég veit ekki, allavegana opnar húsið klukkan sjö, ef það sem stendur er rétt... já.. humm"
-"Er þá búið að vera lokað hjá ykkur í dag?"
-"Ha? Tónleikarnir eru í Laugardalshöll... og þú ert að hringja í Kaffi hljómalind"
-"Nei, sko, það eru tónleikar hjá ykkur í kvöld!! Á Kaffi hljómalind... Stravinsky Oro..."
-"ó!!! aaa! já, ég var alveg kominn í tónleikasíður morgunblaðsins hérna!"
-"Haha"
-"já, humm... tónleikarnir hjá okkur.... veistu ég veit bara ekkert hvenær þeir byrja"
-"Eru þau nokkuð byrjuð að spila?"
-"humm.... uuu... ég bara veit það ekki?" (hvernig gat hann ekki vitað það, hann var þarna! Ég myndi allavegana mæta í síðasta lagi.... níu?"
-"Tja, ætli þetta byrji ekki 8, er það ekki svona venjulegur tónleikatími...?"
-"Ja hmmm... komdu bara sem fyrst!"

Súri, súri maður!

nýtt áramótaheit

2006-01-04T23:30:00.000Z

myndin af mér þar sem ég er svona...

...verður hengd á ísskápinn

So be it

2005-12-29T02:38:00.000Z

í kvöld fékk ég kúl... og í kvöld missti ég kúl. Sé fram á að ég verði að taka nýja stefnu í heiminum því núverandi draumar eru mjólkaðir til þurrðar. So be it...

Ég missti kúlið allsvakalega fyrir um það bil 28 mínútum, en af einhverjum ástæðum er ég ekki bitur, heldur stolt. Kannski er það drykkur 007 sem gerir það að verkum. Og hey, ef ég kom einhverju til leiðar fyrir busakrílin (þrátt fyrir að annað busakrílanna sé biturt út í mig þessa stundina) þá er björninn unninn. Verst að ég fæ engan björn, heldur bara týnt veski og blauta sokka

Fokk

Gærkvöldið

2005-12-21T00:56:00.000Z

Steikt, kjánalegt, en ótrúlega skemmtilegt. Ég held að þessi svipur hafi verið á mér mestallan tímann

I was the one worth leaving

2005-12-18T20:24:00.000Z

Ég finn fyrir létti og einhverju sem ég veit ekki alveg hvað er... ekki vonbrigðum, því ég þekkti allan tímann hvað ég gat og hvað ekki... en kannski pínu svekkelsi

Í dag fékk ég ölmusuhlutverk. Aftur. Þetta er þriðja árið í röð sem ég fæ ölmusuhlutverk og mér líður eins og betlara sem er á rangri hillu. Bara bömmer að vera formaður röngu hillunnar.

P.S. ekki halda að þetta verði viðvarandi stemmari hjá mér...

P.P.S. Til hamingju Sandra, ég er mjög glöð að þú verður með okkur!

UPPBOÐ

2005-12-17T22:56:00.000Z

Til að styrkja fíkn mína í að gera vel við alla og eyða umfram efni í jólapakka handa vinum og fjölskyldu hef ég ákveðið að halda uppboð á eigum mínum... án gríns, ef þið vitið af einhverju í fórum mínum sem þið viljið falast eftir, þá sakar ekki að gera tilboð (ég lofa engu um að skiljast við vínylplötur og aðrar slíkar gersemar en hver veit...). Hafið einnig samband ef þið viljið að ég þvoi bílinn ykkar, passi systkini ykkar eða pússi skóna ykkar.

Ég er á barmi örvæntingar

2005-12-07T08:57:00.000Z

Það eru ellefu þúsund sex hundruð níutíu og níu mínútur eftir af þessum prófum. Það er ellefu þúsund sex hundruð níutíu og níu mínútum of mikið.

Heimska

2005-12-01T01:09:00.000Z

ég þarf að taka til í eldhúsinu áður en ég fer að sofa. Ég nenni ekki að taka til, því hef ég ákveðið að fara bara ekkert að sofa.
Ég er hálfviti

þreyttur haus

2005-11-26T01:26:00.000Z

Í dag vann ég vakt nr. 2 í Leikbæ. Það var dúndur. Ég er líka á nýjabrums-vinnu-stiginu sem lýsir sér í því að mér finnst bókstaflega ALLT skemmtilegt í vinnunni. Ég raðaði í hillur í dag nánast alveg samfleytt (það var pissupása einhversstaðar þarna inní) í fjóra tíma og mér fannst það ágætt. Nú er ég ógurlega fróð um Pleimó, til dæmis, og ég get lýst því hér með yfir að það er til Pleimó fyrir bókstaflega allt. Það jaðrar við að vera fáránlegt, það er til flugvallar-pleimó, verðbréfa-pleimó, Örkin-hans-Nóa-pleimó og það er heil hilla tileinkuð bóndabæja-pleimói. Ég sagði við yfirmannskonu mína: ,,fyndið hvað það er endalaust mikið til af bændapleimó!". ,,já, þetta er nýr vöruflokkur hjá þeim" svaraði hún alvarleg. Ég hef nú ákveðið að yfirmannskona mín hafi engan húmor. Maður þarf að vera orðinn dáldið harðsvíraður leikfangasali til að finnast bændapleimó vera eitthvað sem ber að taka alvarlega.

Ég vona að hún lesi þetta ekki, vegna þess að mér finnst gaman að raða í hillur og vita hvar fjarstýrðu bílarnir eru, og vil því ekki vera að skemma neitt.

Eins og er er samt mjóbakið mitt bara frekar svekkt yfir þessari vinnu, og ég sé duplo þegar ég loka augunum. En hafi einhver í hyggju að fá þráhyggju um mig væri dásamleg skemmtun fyrir viðkomandi að fara í Leikbæ á laugavegi, og niður á neðri hæðina, því þar hef ég snert hvern einasta hlut, strokið af honum og lagt hann varlega aftur á sinn stað.

góða helgi, kæri aðdáendi, og skemmtu þér vel

svefnleysi

2005-11-23T01:48:00.000Z

Þegar ég var lítil gat ég ekki sofnað nema að heyra 'One More Cup Of Coffee' með Bob Dylan minnst einu sinni. Þetta fór óheyrilega í taugarnar á vinkonum mínum sem gistu iðulega hjá mér.
Núna dugir ekkert svoleiðis dóp. Ég er andvaka.

Dagarnir eru langir manni ekkert gerandi

2005-11-09T23:22:00.000Z

húhaa! Er bloggið dautt? Þrjúhundruð orða ritgerð um dauða bloggsins! Nei, ekki í dag, í dag er ég búin að stúta allt allt allt of miklu kaffi og kæfa rökhugsunina mína algerlega. Það eina sem ég hef löngun til að gera er að baka kanilsnúða. Já, og fá hlutverk í herranótt. Kannski baka kanilsnúða og taka þá með í Herranótt, þar sem ég mun hafa fengið hlutverk (fut II, seisei)

Án alls kaffiæsings, samt, ég er að farast úr spennu/kvíða/æsingi/tilhlökkun yfir yfirvofandi mánuðum. Að eiga búning, vera sminkaður, vera stressaður, undir pressu, þreyttur með öllum hinum og kominn með sveitt ógeð á pizzum, og detta svo rækilega í það í frumsýningarferð sem er útrás fyrir tryllt spennufall, er bara eitthvað sem ég lifi fyrir. Það er tilhlökkunin. Kvíðinn snýst að sjálfsögðu að mestu leyti um það að fá kannski ekki bitastætt hlutverk.. Spennan er svo sú hverjir verða í leikhópnum í ár og vonandi líkar þeim við mig.

Mig dreymdi einmitt í nótt að ég hefði eignast barn og því líkaði illa við mig, það öskraði þegar ég kom nálægt því og vildi bara vera hjá einhverjum öðrum. Það endaði á því að fæðingarlæknirinn tók það og ól það upp og ég dó innra með mér. Mig dreymir alltaf svo svæsna sáludrauma þessa dagana. Það er væntanlega óhjákvæmileg afleiðing þess að vera svona vör um sjálfa mig og uggandi um stöðu mína þessa dagana. Einn hópurinn í herranótt hefur þegar lokið námskeiðinu, síðasti dagur námskeiðs er á morgun. Svo er manni kastað út í djúpu laugina, við lesum leikritið og svo bíð ég milli vonar og ótta og tékka á herranætur-ímeilinu í hverjum 5 mín. frímínútum.

Fínt að fá Sólbjart til að hrista aðeins upp í þessu! Ég er sumsé að keppa í Sólbjarti (innanskólaræðukeppni MR) með Sigrúnu, Sigurlaugu og Guðrúnu Sóleyju (vó, beygingarmynd!) á fimmtudaginn næstkomandi (17. nóv.) klukkan 15:00 og ÞÚ átt að koma og vera með læti (á réttum stöðum að sjálfsögðu). Umræðuefni verður ákveðið á morgun. Massíft

Ooo, þessir frasar sem þau pikka upp í vinnunni, krúttípúttí

2005-10-31T23:01:00.000Z

Ohh, það er bara OF freistandi að blogga um mömmu, aftur. Þessi kona er gangandi steik.

Ég og mamma vorum sumsé eitthvað að kýtast og ég þóttist fara í massa fýlu, og þá sagði móðir mín: "bíddu... var ég að móðga mömmu þína eða?!"
Og það besta var að hún GAT ekki fattað af hverju mér fannst þetta asnalegt.

Nohh!

2005-10-30T23:22:00.000Z

Ég hef uppgötvað hjá mér náðargáfu. Eða já... samt eiginlega ekki náðargáfu en það virkar ógurlega mikilvægt og kúl að hafa náðargáfu svo ég stend við það. Ég er sum sé nokkuð mikið góð í að spotta Íslendinga frá öðrum þjóðum (vóhóhó, merkilegt, ekki satt?). Það að spotta hverjir eru túristar er náttúrulega bara pís of keik. Ef það úlpurnar og rammagerðar-pokarnir koma ekki upp um þá, þá eru það fínni hlutir eins og vatnsflaska, brún augu og dreddar eða yfirvaraskegg og gróskumikið, grásprengt hár.

Svo er það annar handleggur að koma auga á fólkið sem er búsett á íslandi, en er ekki íslenskt. Þar eru engar úlpur og vatnsflöskur til að gera manni þetta auðvelt, en temmilega stórt nef og burstaklipping á karlmanni gefur oftast til kynna að hann sé pólverji, sérstaklega ef hann er dálítið hvasseygur. Pólsku konurnar eru sumar með nef í stærra lagi og oftar en ekki með litað hár, í gallabuxum og dálítið gellulegum skóm, nokkuð oft málaðar um augun. Þetta eru engir fordómar (gott að hafa vaðið fyrir neðan sig sko) en þegar par eftir þessari lýsingu kemur á kassann í IKEA, fylgir oftar en ekki bjöguð íslenska og debetkort sem á stendur Wosznyiek Pazlinsky eða eitthvað viðlíka (já, ég tékka á nafninu, ég er lúði). Þessi leikur styttir mér oft stundir í ógeðslega leiðinlegri vinnu, og mér finnst gaman að sjá fólk labba að kassanum, fá einhverja flugu í höfuðið um það, og fá svo grun minn staðfestan með því að hlusta. Ef kona undir 55 ára kemur og er með þykk (svona stækkunarglers-þykk) gleraugu, þá eru sláandi líkur til þess að hún sé annaðhvort bresk eða bandarísk, því íslenskar konur þykjast vera of töff fyrir svona. Íslenskar konur eru hinsvegar ótrúlega oft í mjöööög ljótum úlpum. Bandarískar konur koma alltaf í IKEA í stórum flokkum ef þær eru yfir fertugu, en ef þær eru yngri eru þær með mönnunum sínum og setja börnin sín í boltaland og segja þeim að haga sér vel og hlýða fóstrunni. Íslenskar mömmur segja sjaldnast börnunum sínum að hlýða fóstrunni.

En ástæðan fyrir því að ég vakti máls á þessu var hinsvegar sú að ég kom sjálfri mér á óvart með þetta áðan. Ég google-image-searchaði nafninu Klara áðan af því að ég er lúði og með frestunaráráttu á mjög háu stigi. Ég var í rólegheitunum að fletta í gegnum niðurstöðurnar þegar ég stoppaði á einni mynd. Hjá henni stóð Klara eins og hjá hinum 66.900 myndunum, en eitthvað sagði mér af þessari mynd fyrir neðan, í um það bil þessari stærð fyrir neðan, að þessi gella væri íslensk. Ég klikkaði á píuna og viti menn! Djamm myndir af ræðuliði Verslunarskóla Íslands! Seisei.

Fekk hvað þessir hljóta að vera geðveikir live

2005-10-29T23:08:00.000Z

Sami gamli

2005-10-24T23:28:00.000Z

Ég komst í gær í tölu þeirra sem dreyma að þeir séu einhversstaðar og fatti að þeir séu naktir. Ég var í IKEA.

Ég var sumsé á vappi um ganga IKEA á jólaútsölunni, þegar ég fattaði það að ég var algerlega topplaus. Ég lét þetta svosem takmarkað á mig fá, fór bara í póker með öllum tuttuguogfimmára lagerstrákunum og reykti eins og strompur. Topplaus. Svo kom fyrrverandi kerrustrákur sem var orðinn lögga og handtók mig. Topplausa. Ég vaknaði, eins og eðlilegt er, algerlega hvumsa. En blessunarlega ekki topplaus.

I dreamt one thousand basketball courts

2005-10-18T22:04:00.000Z

Ég er að hlusta á K-hole með CocoRosie, en það er nýja sem-verður-nauðgað-til-andskotans-lagið mitt, enda hef ég líklega hlustað á það svona 50 sinnum síðan ég keypti diskinn, sem var á föstudaginn.
Það er geðveikt og þunglynt og einhæft. Ég elska það, og ég elska hvað þokan í hausnum á mér meikar mikið sens þegar ég hlusta á það.

Það er líka þoka úti, voða rómó eitthvað, nú er kominn tíminn sem maður fer í þykka úlpu og á kaffihús og þess háttar. Ég hlakka bara þónokkuð til.

Meira síðar. Þá ætla ég að hlusta á Hives eða Strokes eða jafnvel gerast ýkt indí og hlusta á The Go-Team, og blogga af krafti og orku, sjáiði til! Kannski verður Njáluferðin líka ferð ferðanna, kannski verður æst slúður úr henni og ég hef ekki við að vélrita það upp í kjarnyrtum og hnyttnum setningum. Kannski (lesist: líklega) verður hún frekar viðburðalítil, og þá neyðist ég til að tala bara út um rassgatið á mér um allt og ekkert. Hvað sem því líður er ég búin að ákveða að ég verði að bæta bloggið eða drepa það algerlega. Báðir kostirnir eru álíka freistandi. En mér finnst bara eitthvað nostalgískt við það að vera með nánast óslitið arkíf frá því í apríl 2003 (tékkið annars endilega á því arkívi, það er frábært, ég sagði ,,gegt" og "eikker" og tók sjálfspróf á quizillu)

Takkfyrirbless

ekkert gott eða gott ekkert?

2005-10-14T22:50:00.000Z

Í dag áskotnaðist mér CocoRosie diskurinn nýji og hann er núna á repeat í Bóasi blessuðum, sem ég fékk aftur í dag eftir að Björgvin var með hana í láni í 2 daga. Ég hélt ekki að það gæti verið svona erfitt að vera aðskilinn frá tölvunni sinni, en hann á sér nú nafn og hann syngur fyrir mig. Ætli ég þurfi ekki bara að fara að stunda hugleiðslu eða eitthvað. Ég drekk og blæs á mér hárið og elska tölvuna mína stundum meira en sjálfa mig. Jájá.
Í dag svaf ég til 1 og borðaði beyglu í morgunmat og las blaðið og flautaði við Sigur Rós í korter og horfði á ekkert í sjónvarpinu. Hátindur dagsins var þegar ég fékk mér kakóbolla á kaffihúsi og þegar ég hoppaði niður tvær tröppur og pilsið mitt ákvað í samráði við vindinn að í dag væri ég Marilyn Monroe. Bottom læn: Í dag gerði ég ekki rassgat og það var geðveikt! Ætlaði að skrifa fokking geðveikt en sá að mér. Hætti svo við að sjá að mér. Góð saga, Klara (vocativus).
Ég er farin að blóta miklu meira eftir að ég fékk bílpróf. Segi "drullið ykkur áfram!" og "bíddu, missti ég af fokking fráreininni!" og fíla mig ógurlega töff. Það næsta sem ég veit er að ég er komin á gulan sportbíl sem spilar Sean Paul krónískt í botni í græjunum, tek hljóðkútinn úr og keyri á 80 í fáförnum, plebbalegum íbúðarhverfum.

Mér er óglatt..

2005-10-09T02:34:00.000Z

Rétt í þessu fékk ég að heyra það ljótasta sem nokkru sinni hefur verið sagt við mig
komment um það hvað ég sé frábær og að grimmt fólk sé hvort eð er bara með minnimáttarkennd eru vinsamlega afþökkuð. Hvoru tveggja virðist þessa stundina vera algerlega rangt.

Klara Ökuþór

2005-09-27T00:12:00.000Z

hér eftir skal kalla mig klöru P. P fyrir power! Nei oj, það er með því hallærislegasta sem ég hef heyrt! Það er ekki pointið í þessu, pointið í þessu er það að ég er komin með bílpróf og fæ því tækifæri til þess svona dags daglega að hafa 300 hestafla framlengingu af rassinum á mér. Með öðrum orðum; power.
Dagurinn í dag fór í að keyra um eins og mér væri borgað fyrir það. Því er reyndar þveröfugt farið þar sem bensín er tussudýrt en mamma ákvað að rukka mig ekki fyrir bensín svona fyrsta daginn. En ég keyrði sumsé, og afrekaði eftirfarandi í dag:
fara á 80 (löglega að sjálfsögðu)
fara í 5 gír (þegar ég var á 80)
svína (úbbosí)
taka U beygju (rooookk!)
keyra með huuges Ikea kassa sem náði aftan úr skotti og upp á öxlina mína
keyra með handbremsuna á
keyra á kringlumýrarbrautinni með háu ljósin á
vera gaurinn sem pantar í drive through
keyra í burtu áður en pöntunin okkar var komin

Þar fyrir utan gerði ég lítið sem ekkert, nema hvað emil keypti sér bragðaref með bláberjum, mars og hnetusmjörssósu. Hann var VÆGAST sagt ógeðslegur, en Emil blessunin smyglaði samt einni skeið upp í mig meðan ég var í hláturskasti sem fór ekki betur en svo að ég frussaði hnetusmjörs-ís á innanverða bílhurðina og slefaði svo tignarlega afganginum niður á gangstétt. Ohh ég er svooo ladylike!

Maður gúglar ice cream splatter og hvað fær maður?!? fokking Jessicu Simpson!

takkfyrirbless

Jæja, eg var vist klukkuð

2005-09-20T23:00:00.000Z

Magnea klukkaði mig og ég þarf að deila 5 hlutum með heiminum sem enginn veit. Sem er fjarskalega erfitt þar sem ég er gjörn á að láta flestallt bara flakka. En here goes nothing!
1. Ég held að ég sé laumukennarasleikja. Ég hata það, en ég missi mig alltaf í einhverri athyglissýki og veit EKKERT afhverju...
2. Mér finnst gaman að klippa á mér neglurnar, en bara þegar þær verða alveg beinar og festast ekki í sokkabuxunum.
3. Mér finnst allt við varalit ógeðslegt. Lyktin ohhh!
4. Ég hugsa stundum um það að mig langi til að deyja hetjudauða. Tækifæri til slíks eru þó heldur fá á Íslandi, og kommon, ég er chubby áriáundan-stelpan, ekki beint wonderwoman.
5. Ég er skotin í busa (omg). Ég mun þó hvorki láta neitt uppi um hver það er, né þá heldur gera eitthvað í því. Barnaperri er ég enginn!

Ef einhver ykkar vissi eitthvað af þessu fyrir má hann/hún láta mig vita, því þá þarf ég að finna eitthvað nýtt.

kjáninn ég...

2005-09-18T05:10:00.000Z

... að halda að það gæti verið einhver á MSN klukkan 5 um morgun
... að halda að ég sé eitthvað annað en sidekick
... að finnast það líkamlega sárt að sakna einhvers
... að vera vakandi klukkan 5 um morgun daginn fyrir vinnu
... að halda að það sé gaman að vera edrú á Gauk á Stöng (hvorki diss á þá sem stunda Gaukinn, né þá sem eru edrú, en þetta er ekkert súper gott kombó)
... að halda að mjórri upphandleggir séu lykillinn að félagslegri velgengni
... að langa í hluti sem ég get ekki fengið
... að geta ekki verið heima án þess að sækja óeðlilega mikið í bloggsíður, kaffi og þunglyndislega tónlist
... að veðja alltaf á rangan hest í öllu
... að plögga Herranótt OF grimmt
... að vona virkilega að fólk hætti við að koma í Herranótt
... að vera ófrumleg og skrifa punktafærslu

Sængin er óneitanlega freistandi akkúrat núna. Sérstaklega þegar ég leit á klukkuna í símanum og sá 05:22 og stillti svo vekjaraklukkuna á 11:00.

A king at night

2005-09-15T20:53:00.000Z

Ég er dálítið angurvær núna, er að hlusta á A King At Night með Bonnie Prince Billy með tárin í augunum yfir því hvað það er fallegt. Það fær mig til að langa til að skrifa texta sem fá ungar stúlkur í tilvistarkreppu til að fá tárin í augun. Þess í stað maula ég bara suðusúkkulaði, halla mér aftur og læt mér nægja að fylgjast með í smá stund, í stað þess að framkvæma. Ég mun aldrei komast í hálfkvisti við hann Will blessaðan Oldham.

dagur aðgerðaleysis

2005-09-14T08:54:00.000Z

Ég er veik heima. Ég kann ekki að vera veik heima. Ég get ekki sofið, ég get ekki staðið en ég get ekki heldur setið kyrr, og ég er búin að skipta um stöð á sjónvarpinu svona þúsund sinnum. Akkúrat núna er ég að horfa á eitthvað rooooosalega politically correct barnaefni á Disney rásinni. Þetta eru svona veltikallar, og einn er svartur, einn er indverskur, einn talar með sveittum cockney hreim, einn er svona töffara-hvítur og einn er svona gleraugna-nörda hvítur og svo er ein geðveikt gáfuð stelpa. Öll eru þau allra bestu bestu bestu vinir vinir allra bestu bestu bestu vinir! (lag úr sunnudagaskólanum þegar hann var alveg málið hjá mér)
Annars hef ég haft spurnir af því að búið er að semja um 10 þáttaraðir af Lost. Sem þýðir að ef ég held tryggð minni, og Ríkissjónvarpið heldur tryggð sinni mun ég ennþá vera að horfa á þessa blessuðu þætti þegar ég verð orðin 28 ára gömul. En vá maður, hvað er hægt að flækja eitt plott mikið?!

Nú er ég komin á DR1 og er að fræðast um rússneska sirkusmenn í Danmörku. Þetta er komið út fyrir öll velsæmismörk. Ég ætla að fara að leggja mig!

2005-09-12T00:02:00.000Z

kaldhæðnisleg þessi síðasta færsla.
Ég er sybbin og veit því ekkert hvað skal skrifa næst. Dagurinn fór í lestur undir ökupróf og bíóferð. Annað var frábært. Þið megið geta hvað.

Mamma mín gerði upp gamlan barnastól fyrir Einar að sitja í þegar hann kemur í heimsókn. Hún hringdi í Dagnýju, alveg úber spennt og sagði henni að hún þyrfti að koma því hún vildi sýna henni dálítið, og hefur verið að hringja og reka á eftir henni í allan dag. Nú er Dagný orðin svaka spennt og er búin að bíta í sig að það sé kominn leynigestur frá útlöndum. Þetta finnst mér fyndið.

such great heights

2005-09-07T22:27:00.000Z

Þetta er búinn að vera annar dagur þar sem maður lætur sig bara fljóta. Ég skreið fram úr rúminu í morgun (svaf yfir mig), og það var í rauninni það eina í dag sem ég hafði ákveðið með nokkrum fyrirvara, nema kannski að mæta í skólann. Eftir skóla álpaðist ég með Maju Rut á Kaffi Hljómalind og þambaði Yogi Te (himneskt) í gríð og erg, því næst endaði ég heima með 3 stúlkur í puntileik, þar sem tvær þeirra voru að fara á ball. Nú sit ég hér með hálfkrullað hár og rúm fullt af snyrtivörum og vona heitt og innilega að morgundagurinn verði líka svona.
Það er reynsla mín að í hvert skipti sem ég reyni eitthvað að halda í stjórntaumana hjá sjálfri mér, fer allt í köku. Þannig að nú ætla ég bara að halla mér aftur í sætinu og fylgjast með. Stoppið mig samt ef ég fer að tala um sjálfa mig í 3. persónu.

Ég sakna þess þegar ég bloggaði um eitthvað skondið og hló innan í mér á meðan ég skrifaði það. Þessa dagana virðist ekkert slíkt vera í spilunum, bara blogg eftir blogg eftir blogg um hvað mér finnst lífið skrýtið og annar wannabeismi. Fólk sem hatar wannabeisma ætti því að forðast þessa síðu næstu mánuðina. "comments (0)" Ég gerði heiðarlega tilraun til að skrifa ljóð en það kom sjálfri mér á óvart hvað það var þungbúið og því ætla ég ekki að birta það hér. Mér til málsvarnar var það fullkomlega stuðlað eftir öllum kúnstarinnar reglum! Áfram ég!

Ég ætla kannski bara að fara að sofa núna. Maður verður nú að vera tilbúinn fyrir öll þessi örlög sem ég ætla að fá í fangið á morgun.

almennt leiðinlegt öppdeit

2005-09-01T22:17:00.000Z

Nú ætla ég bara að skrifa eitthvað sjitt til að myndirnar í fyrri færslum detti út sem fyrst, því ég kann ekki að tékka á stærðinni á þeim á makka svo ég get ekki stillt stærðina án þess að eiga það á hættu að þær bjagist.
Þessi dagur hefur annars verið bara nokkuð sweet, skilaði inn umsókn um ökuskírteini (pása til að fríka út af æsingi: jeeeeeeeeeeeeeeeeeeeeeeeeeeeeeeeeeee! afsakið) ásamt mynd af mér þar sem ég virðist vera að fara að gráta og ísklíndu læknavottorði. Ástæða: ég var á rölti með læknavottorðið (as you do) fyrir utan ísbúð og það fauk og lenti í polli af súkkulaðiís. Þar sem ég nennti ekki að bíða í aðra viku eftir nýju vottorði og það var alveg ágætlega læsilegt lét ég því slag standa. Je!
Þetta var almennt bara svona dagur þar sem allt gekk upp. Ég mætti á réttum tíma í alla tíma, hljóp ágætlega langt miðað við getu í leikfimi (fékk reyndar heiftarlegt astmakast en það er annað mál), skildi allt, náði á lögregluskrifstofuna 4 mínútum fyrir lokun, borðaði firnagóða og meinholla grænmetisböku og náði að klára að læra allt fyrir 10.
Samt er ég með eitthvað í hjartanu sem ég kýs að kalla "suspense sting" upp á slæma Ísl-Ensku. Það er svona svipaður stingur og maður fær þegar maður er að horfa á myndir eins og Virgin Suicides eða Lost in Translation, næstum því eins og sálin sé að halda í sér andanum. Mér finnst stundum eins og ég sé ekki alveg vöknuð, og er ennþá að bíða eftir því að lífið banki aðeins hressilegar uppá en það hefur hingað til gert. Kannski er ég bara einn af þúsund unglingum sem leiðist, en ég væri alveg til í einhverja bombu bráðum.... hver veit....

Mér finnst alltaf skrýtið að hugsa til þess að öll líffærin okkar eru í myrkri. Þannig að faktískt eru þau þessa stundina bara svört...

hin ýmsu form myglu

2005-08-28T22:26:00.000Z

ógeðslegi skyrdrykkurinn sem ég hafði ekki lyst á að innbyrða og gleymdi svo í töskunni minni hefur aldeilis hefnt sín fyrir höfnunina og breyst í efnaverksmiðju merka. Ýldulyktin sem leggur nú upp úr töskunni minni, undirstrikar svo leti mína við að læra lexíurnar og því sé ég fram á að fara ólesin í háttinn á sunnudagskvöldi og líða almennt eins og skúrki.
Þar að auki hef ég sett persónulegt met í stuttum tíma fram að skólaleiða, yfirleitt heldur maður þetta allavegana út október, ef ekki nóvember, en þetta árið er ég á 4 dögum komin með svo gersamlega upp í kok að mig langar mest til að stinga af og vinna sem þerna á vegahóteli í suðurríkjunum. Þetta skánar þó vonandi allt þegar Herranótt er komin á laggirnar. Ég tala ekki um annað.

p.s. af hverju er að einhverju leyti sama lyktin af mygluðu skyri og brauði sem er að hefast? Ég er á málabraut

Þessi kona er að mygla eins og ég. Samt væntanlega af öðrum og átakanlegri ástæðum, mamma heldur reyndar að þetta sé gabb og ég er klofin í afstöðu minni hmmmm... Í leit minni að myglumynd rakst ég reyndar á myglaðan svínaheila og við það varð mér gífurlega heitt í vinstri olboga... sálgreining, einhver?

2005-08-26T20:23:00.000Z

Busakynningin var haldin í gær, og öll undirfélög MR kynntu sig og sína starfsemi. Það var altént planið, en þetta varð aðallega tækifæri til að stríð busunum eða gantast dálítið. Okkar atriði (herranætur, þ.e.a.s.) var svo engin undantekning, en við ákváðum að auglýsa allt sem við værum ekki og gerast gífurlega artí fartí með sjálflýsandi gleraugum, treflabúningum dauðans, puttamálningu, stjörnuljósum og ræðu um ágæti líkamlegrar tjáningar.
Frétti það að fólki fannst þetta almennt bara mjög skondið, en ef til vill er það ekki marktækt þar sem ýmsir eru talsvert meðvitaðir um hinn alræmda ofurbusalista.
Svo kom róðrarfélagið með þá alflottustu busahrellingu sem hægt er að ímynda sér, sjóið var svo magnað að ég fékk fiðring í magann. Þar að auki varð ég ólýsanlega fegin að vera ekki busi, þar sem þeir hafa eflaust nokkrir pissað í sig af hræðslu.

svo er það bara áfram Herranótt! Námskeiðin hefjast bráðum! je!

fyrsti dagurinn...

2005-08-23T00:37:00.000Z

2 blaðsíður af glósum við 2 blaðsíður af texta bara GETUR EKKI passað!